Manduco

My Autobiography

By Dr. Azágua

N nase n’un noti txuba.

N ka batizadu ku águ

N ka rejistadu ku kanéta

N ka fazêdu nôti-séti.

Ave Maria

Lua xêa-di-grasa!

Mi tanbê ê fidju Déus!

Sin ó nãu?

Nha korasãu ta bate tanbê!

N t’odja ku ôdju

N ta pega ku mon...

Mi ê un pásu ku aza

ki t’anda ku pé na txon...

N ka prufesor di stória antigu

nen mudérnu...

Na nha méza

ka ten tuadja,

ka ten faka,

ka ten gárfu;

Na nha kaza

N ka ten spêdju

N ka ten pulêru

N ka ten madjôn;

Sol ta nase tudu dia,

Sukuru ta fitxa tudu nôti!

Ê más un dia,

Ê más un nôti!