Manduco

Maria bo e bunita y enkantada
Ma, ku fadiga bu da-m un fakada
Bu prumesa transforma in konbersu
Bu traisaun foi sinal dun frakasu.

Maria bo e gostoza, ma, inpasienti…
Bu amor foi moda un serpenti
Ki dadu un dedu el tuma brasu
Bu sentimentu, afinal foi falsu.

Maria, kantu promesa ki bu faze-m
Ma ka ten kuzas pa faze-bu skese-m
Volta pa mi inda N ta perdua-bu
Fla-m so me alibi ki es lebanta-bu.

Maria ser sinsera, konsienti…
Ka bu xa bu amor bira simenti
Ki simiadu, regadu, e ka nese
Suma bu amor, na mundu ka parce.

Maria, bu N gana-m ku bu tropesu
Tuma bu dedu bu da-m nha brasu
Pa es bu prumesa ka ser mas un farsa
Y es pa bu dilitu, N ka bira bu konparsa

Pur: R.Kardozu - Muzikadu
Norwich,1990