Manduco

(Emigracao e um segredo)

Na un arca branco

Sintadu riba cutelo

Fitxadu ku sete porta

Di cinco cadeado cada um

Ten um segredu gardadu

Segredu- distinu

Memoria de un infância

Seladu na tempo

Pa sete porta

De 5 cadeado

Na un arca branco

Riba cutelo

Minino confuso

Pargunta sol ku lua

Roga bento ku txuba

Es ki konxe tenpu

Pa da-l segredu di kel arca

Pa kada purgunta

Arca po rostu pa mar

Mar de destino

Mar de segredo

Mar de separasaun

Menino faze txabe

Un dia pa kada txabe

Um txabe pa kada cadeado

5 cadeado pa cada porta

Pa 7 porta de kel arca

Na 35, minino entra arca

El odja se sonhu

El kontra ku el me

En forma de un anjo

Ku nome de anjo

Anjo pidi-l pa aproxima

Menino spantadu da un passo

Anjo fra-l: Bem li..

El da mas um, ka suficiente

Anjo fra-l: Li...! li...!

Di mon de anjo

El resebe segredu di distino

Dentu di baú doiradu

Fitxadu ku 5 lasu

De 7 selo cada um

Minino meste 35 tempo

35 tempo de um infância

Un infância eterno na se memoria