Manduco

Ilha do Fogo: Cultura, Gentes e Vivencias

ULTIMAS Post New Entry

« Back to ULTIMAS « Older Entry | Newer Entry »

Orela

Posted by Danillon on March 19, 2009 at 2:44 PM

Ah Juzé di Luz!

Só bó qui sê pomô

Que bu larga da mon

Strada da Luz,

Pa fuz di cabra na cabeça.

Dexa!

Dexa!Dexa sta!

Ka sabedu pamô

Ki bu tchera cocó di cabra secu

Na kel quinta d?Alenteju

Dabu ngana fazê keju,

Só bó ki sê pamó!

Só bo qui sabê pamô!

Tcheru di Lorna

Ta dabu frescura de orela!

Só bô ki sabê pamodi deta na lapa é sabi.

Ah Juzé só bo ki sabi

Ma mamona pretu é pior ki piorru.

Ah  Juzé só ki sabê ma Avenida de Liberdade

Ka tinha um isca di bardade

Bu ba bu caminho!

Só bo ki sabê!

Categories: Danilo Fontes, Poemas

Post a Comment

Oops!

Oops, you forgot something.

Oops!

The words you entered did not match the given text. Please try again.

Already a member? Sign In

5 Comments

Reply Eliezer
05:58 PM on March 24, 2009 
Primu, sima dja-n fraba nho kumó ki bentul orela ka-l danu sodadi, kumó ki frieza nôs terra ka-l tranu águ na odju, kumó ki sodadi txuba ka-l n'gunianu nôs petu, ratadjanu nôs arma?! Ai si sodadi ta mataba...
Abraço a todos.
Reply Khacka
08:20 AM on March 20, 2009 
Ei-lo, "O Artista" mas um bes ta mostra kal ke forsa ki ta liga un idividuo ku se ninhu. Pa lonji ki du sta, ten kes rikordasaun, mesmu patxetxeti, ki ta tenenu unidu pa senpri.
Reply Danillon
04:09 PM on March 19, 2009 
Discurpan Djusé D'Erriba si induzibu cu nha erru em vez di screbi Strada da Luz 'nscrebi Stada da Luz, undi Jozé di Luz moraba na Lisboa, 'nta spera dipós dês correção el ta ficabu más bunito.Obrigado Napoleão pa bu rápidu ententimentu nés alma de montadu, nés spritu di amor pa Fógo, dentu coraçan di Juzé di Luz.
Reply NAPOLEAO
03:39 PM on March 19, 2009 
Verdade, Danilo. Alma de tcheu arguem sta ligado cu se mundo de crianca. Paz, Liberdade e Felicidade dum pessoa, as vez, sta na cuza quel ta ama de verdade. E ca Avenida maginal, predios de vidracas o movimento de tcheu arguem que ta trazenu felicidade. ORELA pa es homi e paraiso, undi el ta inspira, moda Moises cu ses carneros. Excelente ideia, amigo Danilo.
Moderadamente,
Napoleao Andrade
Reply Djuze D'Erriba
03:36 PM on March 19, 2009 
Stadu da luz ku Serra di djarfogu.Pontu altu dja marra molon,Orela dja stende kapel.Jukozu y bunitu,bunitu y jukozu.Obrigadu oh Danilon pa es puema satiriku nes bokal tardi.