Manduco

Bu ka podé ser nha família
Nen ki for só pa un dia
Bu ka podé da-m alegria
Y tene-bu na nha konpanhia.

Bu saí di nha filozufia
Po ka fika na nha nostalgia
Pa és, bu fazé és mania
Di mi, nunka bu ka ten fatia.

Bu fazé kuzas, bu ninharia
Kantu N sabé, ma bo é pa-Titia
Ka bu leba-m pa agunia
Pamo na mi ka ten anarkia.

Des mundu ku f’la, bu ta fia
Pamo na él stá txeu porkaria
Mé pa ken ki txuma-bu Maria
Ki pa él y bo és kria stribaria.

Ku és bu storiazinha
Di pa-Titia, pa minininha
En ves dés grita-bu Kinha
Es passa ta txuma-bu amantinha.

Es ka muda-bu nen pa Inha
Nen es ka txuma-bu dodinha
Pa Diabu bu tá da mantenha
Li és ta txuma-bu krakinha.

Pur R.Kardozu - 31 di Janeru di 2010