Manduco

N ten un amor, ki-m Kretxeu
Ki Deus manda-m la di Seu
Se nomi y apelidu e flor
Ki siduzi-m ku se kalor.

Dje-l konkista nha korasaun
Y N ta da-l se tudu razaun
Mesmu se-l ba pa otus brasus
Di me, el ten senpri un abrasu.

Pa paixaun ke-l dedika-m
El faze-m sinti oji se donu
El foi un kretxeu di furakan
Pa amor, el bira-m patronu.

Pa se ixselensia, se amor e livri
El pode te refuta-m p’otus regasu
N jura-l mel ten un abrigu na mi
Pa se amor, N ta djuda-l na frakasu

El e nha osu ki-m kre txeu
E ka so pomodi el ben di Seu
El txuma-m amor, mi dja-m kudi-l
Se kre-m ku ardor, e ka konfundi-l.

El e un amor,un  kalor, un flor…
E amor ki ku ardor el tra-m dor
Na amor, kumo ator el tra-m suor
Nes fulgor, se amor, bira-m furor.

Pur: R. Kardozu  - 31/10/2010