Manduco

Ma,nha bruxera e paridera

Di miodera, a lonjikera

Se kabrera, e simentera

Nes trinxera, el e gerrera.

Na lixonxera, el e kortadera

Na Tintera, el e rabulisera

Na bazukadera, el e fuzilera

Ki es lixera, el bira florzera.

El e marinhera, rafugadera

Se bandera, el po-l na isadera

E bazofera, ka perdedera

Nes piskera, el e ka pexera.

E soltera, fofera, y kredera

Nes luxera, el faze se sujera

E nuvelera, e atris mamadera

El e un xulipadera, nes simera.

E prisionera, e  ka karretera

E fujidera, ku kapitan kolera

Di Rusera, a Amerikanera

E sabotera, fora y na frontera.

Na kartera, el e forastera

Na algibera, e guardadera

Ku kruzera, na kabisera

Se pinera, el bira-l konpanhera.

O pantera, o ki karnisera

O era, kuera, sin findera

Bu odjera, ku bu rifrigidera

Dja matrera, na nhas stera.

Pa tudu era,dixa-m flagera

Na dvera, xa-m pol na eira

Xa-m finera, nha malisera

Y faze ki era, bira frutera.

Xa-m nhas era, multi-fera

Nha bedjisera, tanbarinera

Nha storiera ,bira milinera

Nha fin, ku era, e un idukera!

Pur: R. Kardozu - Dizenbru -2010