Manduco

Kes gentis Lorera,

Dja rola tudu na ladera,

Te uns ki stanka na bera,

Otus ba fundu rubera.

Es sai ta papaia fabera,

Pamo ses apelidu Mordera,

Es dja kai na filera,

Di gentis faladera.

E sin ke ses manera,

Es ka gentis di larangera,

Es kria ser fabatera,

Pa tadja sol na mulera.

Es e un bitxu fera,

Ki ka ta korre pa kumera,

Ma es ka bera ni ka era,

Es e algen di solera…

Es sta parse xuxadera,

Ku stangu xei di asnera,

Si ka tinha frujidera,

Ses bazofa ka tinha fera...

Es ses bujozera,

E frutu ki ben di flera,

Pa fogera, o pa larera,

Undi ki fabera, e bananera.

Es e mi na pitenkantropu era,

Es bira di era, sin ser di bera,

Si juis es bira-l kagatera,

Antis fin, inda ten nos manera.

O ki mulera, na filera,

O tutanu na mera, farronpera,

Nes mundu di abri-m kadera,

Te di Seu nu ta ben kumo sujera.

Di Koba Tina, na koladera,

E ka lorera, ki fari bruxadera,

Es sta na djuntera, o ki asnera,

Ken po kolera, ta rezumi putera.

Nes lera, ses dodera,

Nes trapadjadera, ses juizera,

Ku tornera, es e tudu fera,

Karkutidera, Djar-Foguera…

Es bira bixera, na kapera,

Na sesta-fera, dia di nogera,

Fofokera, inbruxera Pirera,

Nes era, sidadi Koba-Figera.

Faladera bira kantadera,

Kuzinera bira matrera,

Na bandera, kantadu zukadera,

Ki manzukera na ses xuxadera.

Nha kajulera, y nha mangera,

Es e frutera di ladu Sidrera,

Nha karbasera, ku nha farrobera,

E pa kudadera, ke ka kumedera.

Nes puladera, N kaza brazilera,

Di Ceara, ki ka furnikera,

Festa e d’otrora, gentis sanbera,

Morna y koladera, foi pa es federa.

Nha kabisera, dja bira-m kratera,

Bara barnedera, kala papaiadera,

Nun Tundera, ki dja txiga frontera,

Ku raiba sivera, dja-m kaba ku era.

Pur: R. Kardozu - Agostu 12,2010