Manduco

Ilha do Fogo: Cultura, Gentes e Vivencias

ULTIMAS Post New Entry

« Back to ULTIMAS « Older Entry | Newer Entry »

Mama

Posted by Deivon on July 23, 2010 at 11:38 PM
                   
 díbra ki n'debê mamâ ka ta pagâ ku dinheru,,
N'debel nha vida interu,,
Vida e un cigarro, nha guenti djan ten raiba de esqueru,,
Se k'era pamode nha mai hoji n'staba na cinseru,,
Bu kre obi verdade mi n'staba baxu zeru,,
Ma hoji n'sta parriba cen,,
Graças a kel tipo mai ki n'ten,,
Si n'lebaba alguns purrada, era pa nha bem,,
Por isso hoji n'es jugada, n'ka mestê ninguen,,

N'ta agradecê nha mai 
Obrigadu mai kerida,,
Pa Bo n'ta da nha vida,,
Obrigadu mai kerida,,
Bo k'ê nha porta de saída,,

Es li e so un poesia, ma de grande segnificadu,
Es mudjer ka podê ser comparadu, 
ku nada e nenhun otu,,
Nen pessoalmenti nen na fotu,,

Es mudjer e midjor mai d'universu,,
Amor k'el ta mostran otu mudjer ka ta mostran nen un tersu,,
El carragan 9 mes na barriga, e el kuidâ de mi Durante anos na bersu,,
Hoji si m'era un Casa, sen duvida n'podê fra, mamâ k'ê nha licersu,,
Pamode sê bondade, hoji nta sinti orgulho de usa se nomi na tudo nhas combersus,,
Keli e un sentimentu transformadu in uns dos versus,,

Hoji n'podê andâ kilómetros e kilómetros, ma nunca nka ta disquicê m'e mamâ ki xinan da nhas primerus paços,,
Gossin npodê fasê tudo missó ma nka pode disquecê ma tudo comença na se braços,, 
Cómu fidju nu debê sabê ma mai e ultimo ki ta n'fadâ ku nos fracaço,,
Amor de mai i fidju e un cusa duro moda aço,, 
E ninguen ka podê rabemtâ sê laço.


-Deivon de Andrade-
Fogo Monte Largo

deivondeandrade@yahoo.com  

Categories: Poemas, Manduco

Post a Comment

Oops!

Oops, you forgot something.

Oops!

The words you entered did not match the given text. Please try again.

Already a member? Sign In

12 Comments

Reply Deivon
11:25 AM on August 10, 2010 
FM says...
Campeão!

0bgd
Reply Deivon
11:28 PM on July 27, 2010 
NAPOLEAO says...
Poema e arte e nes li sta trabadjo fascinante que tra-m ago na odjo. Ago sai-m de odjo pamode palavras de carinho, responsabilidade e gratidao. Um fidjo, moda es li, sempre ta ser abencoado pa se MAE e tudo arguem que tem sentimento humano.
Parabens pa es belissimo poema.
Abracos,

odgd pa comentario nfica contenti sabendo ma nhos gosta,,
Reply NAPOLEAO
09:09 AM on July 27, 2010 
Poema e arte e nes li sta trabadjo fascinante que tra-m ago na odjo. Ago sai-m de odjo pamode palavras de carinho, responsabilidade e gratidao. Um fidjo, moda es li, sempre ta ser abencoado pa se MAE e tudo arguem que tem sentimento humano.
Parabens pa es belissimo poema.
Abracos,
Reply Deivon
11:29 PM on July 26, 2010 
Remoaldo Cardoso says...
N korda-bu, ku nhas kritika. Du meszte papia di pertu. Te ki bu atxa tenpu, ben nha kaza pa du papia. Bu faze un xselenti trabadju. Pamo mama meste senpri maior ki du ten di nos.

ye fastu bu ten razao e nu ta fala de pertu go..
Reply Deivon
11:28 PM on July 26, 2010 
FM says...
Campeão!

hey desculpa pmd 1manda kumentario pa alguen tortu,,,mas obrigado pa comentario
Reply Deivon
11:26 PM on July 26, 2010 
Kaka says...
Parabens, joven.
Mai e senpri fonti di maior inspirasaun. E di apresia bastanti es forma di puema, xpesialmenti ora ki el ta ben do un joven.
Forsa y kontinua.

obrigado kaka ka bu diskice du tene trabadju pa du termina djunto
Reply Deivon
11:25 PM on July 26, 2010 
FM says...
Campeão!

bu ten toda razao...
ntan fala ku bo depertu
Reply Deivon
11:24 PM on July 26, 2010 
TAMBARINADURO says...
Isso Deivon...Es bu puema e extensivo pa main di nos tudo

obrigado pa comentario
Reply TAMBARINADURO
08:57 PM on July 24, 2010 
Isso Deivon...Es bu puema e extensivo pa main di nos tudo
Reply Remoaldo Cardoso
08:27 AM on July 24, 2010 
N korda-bu, ku nhas kritika. Du meszte papia di pertu. Te ki bu atxa tenpu, ben nha kaza pa du papia. Bu faze un xselenti trabadju. Pamo mama meste senpri maior ki du ten di nos.
Reply FM
06:40 AM on July 24, 2010 
Campeão!
Reply Kaka
02:55 AM on July 24, 2010 
Parabens, joven.
Mai e senpri fonti di maior inspirasaun. E di apresia bastanti es forma di puema, xpesialmenti ora ki el ta ben do un joven.
Forsa y kontinua.