Manduco

Liberdadi e ka libertinagen

E padraum, e respetu mutuu

Ma, nes mundu di sabotagen

Omi ka un ginuinu perficuu.

Skuta-m, o egu, obi-m nhas ruza

korda kunpridu ta ultra-orela

Peia e kura pa ken ki ta skuza

1 dia t‘odjadu, ma N ka tagarela.

N sta repudia riju liberdadi

N sta rekuza pior dimokrasia

E ka duvida ki ben ku es idadi

E ka storia, e pratika dun prufesia.

N’undi susegu dja bira kenti

E ka mi, e ka bala, ki fari artigu

Ki sta paga es fogu ardenti

Y kura dor d’un frida antigu.

Nu bira mundu, nu inosenta-l

E apelu y mandatu p’aperfeisua-l

Nu faze de nos un ser sen par

Pa nu pode goza un pas singular.

Un pas sen ego y sen paga

Un pas ganhu y sen kolega

Un pas sinonimu di liberdadi

Koruadu di oru y legitimidadi.

Pur: R Kardozu - Mar Y Seu

Fev. 05/2005