Manduco

Aka di-Re!

Fatisera dja entra na Ntonha!

By Dr. Azágua

Aka-di-Re!

Aka-di-Re!

Fatisera dja entra na Ntonha!

El ten poka brigonha

Kel ta ben sen brigonha!

Nhos ba txuma-m

Kel djabakozu,

Omi prigozu

Ke Nhonho di Donu!

Nhos ba txuma-m

Nhonho di Donu

La di Patin;

Ómi ki ka ten medu trabesa Jardin!

Kel ki for,

Kel ki for

N ta paga!

Ken ki faze-l malfetu?

Ken ki entra na el?

Nhos fra-m ken ki entra na el!

O minin, kala boka!

Kela e ka bu asuntu!

Na Musteru

Ka sta dinheru

Ki fare na Galinheru;

Ma kel ki e,

N ten fe

Ma-n ta paga!

Mindju ta paga!

Faba ta paga!

Fijon ta paga!

Kel otu mé ta paga!

Ampo!

Uá, poka brigonha!

Má nha ten poka brigonha!

Nha abri padja boka ta sai!

Nãu! E abri boka nha padja ta saí...

Nha kudadu pa nha ka kaí

Sima Ana Baí...

Ki kaí na kintal di Juzinu soldador

Omi di konbersu sabi sima Salvador!

Nha panga mon na boka!

Nha panga mon,

Pa anzol ka ba roka;

Mindjo nha sinta na txon!

Sen dos, sen tres,

Nha panga mon tres bes,

Pamo des bes ke bes!

Es konbersu

Sen pe,

Sen kabesa,

E ka arbisa ná!...

Ná, ná, ná!

E k’arbisa!...

Kel ta kontadu dispos di misa...

Tóki kabu sta fedi

Ki ka ten ramedi,

Du tuma nos purganti

Du ba pa dianti kunfianti;

S’e ka skontra e inxofri,

Boka burkan e nos kofri.

Ken ki entra na el?

E ka mindjó

Nhos fra-m go,

Ken ki entra na el!

Fradu ma ken ki fra,

Ki fra pa ka fra...

e Juan di Lili...

Fradu m’e falili,

ku korbu ku manelobu

Ki djunta n’el na rubera Nobu;

Otus ta fra m’e salungin

Ki erge ta ben n’artu Matin

la na Kemada Tras,

ki korre se tras

montadu n’un katxas

El po-l ba kanba na braku

Ki kabesa ba bira-l fraku;

Kel fatisera

Staba na rubera

Na kel krus di Lapa d’Arru

Ku se boneka-barru.

Fradu fra, ma kel mundje

Di Rubera Dje,

Ki ta faze maldadi

Ten medu rozadi,

Rozadi pretu

Pindradu na petu.

Ó Krizantu!

Krizantu Krizantinhu!

Bu ka santu...

Bu ka n’un santinhu...

Bu sta sima un gatin

Trás d’un ratin...

Na kel kantin.

Sinta la ketin!

Dja bu gosta di da nobidadi

K’e ka bardadi;

Sabe ma bu ka ten idadi

Di sta na metadi!

Titia, sima ki-n fra-bu!...

N ka sta ngana-bu!

Malfetu ke ka ben fetu

El ta tradu ku rozadi pretu

Pindradu na petu!

Jura bu diskonjura!

Tama-talama di Má Kéké!

Di berbunkadu fatuzés!

Bu ka Muzés!

Ó Re, ó Re, ó Natu

Natu sta n’un braku

Natu sta sima un ratu

Na se kosta el tene un saku.

Jura bu diskonjura!

Tama-talama di Má Kéké!

Di berbunkadu fatuzés!

Arbisa! Arbísa!

Dja-n ben da nhos grandi arbísa!

Nhonho di Donu dja txiga!

El fra du ka meste fadiga!

Ditu fetu!

El ben propi p’el ben tra malfetu...

Antis di-n tra-l spritu

Antis d’el kumesa ta da gritu.

Nhos raza ku mi!

Du parsina:

Sinal da Santa Cruz

Nosso Senhor Jesus Cristo,

Filho de Deus vivo,

ouve minha oração.

O Puríssimo Espírito de Jesus foi, é e será,

o vencedor de todos os seus inimigos

e de todos os adversários dos que amam

e crêem em Jesus Cristo.

Jesus Cristo reina.

Jesus Cristo Impera.

Jesus Cristo Governa

por todos os séculos dos séculos.

Assim seja!

Sinal da Cruz

Deus, atendei ao meu pedido,

vinde em meu socorro.

Vinde ajudar-me.

Confundidos, sejam envergonhados,

os que buscam a minha alma (fazer o sinal da Cruz).

Voltem atrás e sejam envergonhados

os que me desejam o mal.

Voltem logo cheios de confusão os que me dizem:

Bem, bem (fazer o sinal da Cruz).

Regozijem-se e alegrem-se em Vós

os que vos buscam,

e os que amam vossa salvação, digam sempre:

Engrandecido seja o Senhor (fazer o sinal da Cruz).

Vós sois o meu favorecedor e o meu libertador,

Senhor Deus não Vos demoreis.

Glória ao Pai, ao Filho e ao Divino Espírito Santo.

Assim seja!

Bon, nhos fra ku-mi tres bes:

Tama-talama di Má Kéké!

Berbunkadu fatuzés!

Spritu mau,

Ba kanba na piku d’inferru!

Obrigadu! Obrigadu!

Nhor’Des, nh’obi nos orasan!

Amen!

Nhonho entra na kuartu el so,

Depos el txuma mas tres omi pa ben ku po;

N ka meste fra-bu,

Dja txiga ora pa-n konta-bu:

Es da Ntonha ku po

Es tra-l ku po

Es xagua-l po

Di noti te ki manxe!

Di noti te ki manxe!...

El ta pupaba,

El ta nberraba

sima baka;

Ma na se maka

El staba mortu, stiradu, sen mexe!

Nhonho faze se reza

El tra-l tudu spritu mau;

Na se korpu el faze-l linpeza

El dixa spritu mau rekadu

Ma ku-el pa ka tenta nau;

Ntonha fika kuradu

Se spritu fika bensuadu

Dimoni bai sen dia ben

Pamo na seu, nhorDes ten!

Confundidos, sejam envergonhados,

os que buscam a minha alma (parsina)

Voltem atrás e sejam envergonhados

os que me desejam o mal.

NhorDes da Nhonho di Donu

Subrin di nha bisdonu

Pas iternu na se alma.

Amen!