Manduco

BENFIKISTA

By Dr. Azágua

Kuzé nhos Sportingista sta manda bóka?

Nhos Sportingista

é tudu sakrista

Tudu armadu en rapista

Má nos Benfikista

Nos é tudu artista!

Nu tenê nhos na pista

Y tudu Portistas na lista

Nhos ka ningen

Y nhos kre sér algen

Má ka na nos kusta

Nen si paga konta justa!

Si nhos é liãu nhos ba pa florésta

Pamó ku nos nhos ka ta faze fésta

Nhos ka ten tása sima nos

Pamó nu ten-l bós!

Nhos sta tudu ku inveja

Pamó nhos ka sabe festeja

Nhos pode grita

Nhos pita

Nhos bua

Má é só na rua;

Nos ágia ten áza

Pamó el ten kaza!

Nhos ten mania ku Jardel

Ki ten stangu só pastel

Y sê prubléma é só n’otel.

Nu ka meste liãu

Pa nu sér kampiãu

Nos Simão

é nos sulusãu!

Nhos tuma kuidadu

Y grandi kuidadu…

Pamó nos é armadu

sima karru blindadu!

Tó ki nhos kontra ku nos

Nu ta mostra nhos ken k’é nos!

Nu ka Liãu nãu!

Má nos ê kampiãu!