Manduco

Boston April de 2010

Caro primo e amigo Lion,

Primer di tudu nkre dizejabu saude na companhia di bu familia. Tambe nkre agradissebu because 'n gosta di kes kuzas ki bu manda-n ku nha brother Rosevelt. Kumo bu sabe, kamoka mindjo terra, mantega terra, e um groguim pa-m bota dipos de trabadjo e gudi. Thank you.

Rosevelt frá-n ma Djarfogo sta gudi. Kabu sta sabi. Festa everyday. Construcao pa tudu kantu. Unico prublema, el fra, ma guentis ka kre work na trabadjo rixo. Trabadjo di inxada ku pikareta ez kre dixal so pa imigrantis di kosta d’Africa. Well, a nos li na Merca du ka pode choose. Whatever parssê, du tenki fazel…sinaum, kau mau. Ka ta da paga bills.

Ami nsta xei di dor na costa, ki ‘nsta ruba medication di dor, dia e noti. But ‘n tenki aguenta teki ‘n retire. Ora ki ‘n retire n sta ba nha kamim. Pa ‘m ba relax baxu sombra pam goza bida um pokim tambem. Mimé e bibo!

‘N sta happy pamo Rosevelt fra-n ma nha casa dja sta avancado - almost ready. Odja si bu ta pruveita pa bu kumpra enough cimento (cimento a vontade) before kampanha kumessa, pamodi fradu ma duranti kampanha partidos ta kumpra cimeto fépu. Ora ki kampanha tchiga, si es dabu cimento, tuma! ora ki bu ba urna, you know na kenha ki bu ta vota. Voto e sagrado. Ka bu fadjal. Ami never nka fadjal. Sempri ‘nvota na mesmo partido – Democrata- e always ‘n vota na Ted Kennedy, teki Deus tuma-l. Sê morti foi sad. El morre na mesmo dia ki nos tio Miguel na Santomé. Ki Deus dá-s um kantu frio na Paraiso.

José, fidjo tio Miguel, skrebe-n di Sao Tomé. El fra-m ma kabu sta mau pra la. Miseria krassu. El fra ma tio morré di tuberculoso e tia sta na mesmo kamim. El fra ma now ki primer ministro di Cabo Verde ba vizita, povu sta animado, but, tudu ku um pe dianti um pe tras. Es dja sabe ma as vez e so prumessa. But now, pelo menos es tene hope – esperanca dja morreba.

Primo manda dam noticia di kes roads – stradas - ki sta fazedu. Fradu ma kais tambe sta bem ranka. Ma kel kais la go, I don’t know!!!!I think es debe pensaba na fazel na otu lugar…Talves la pa Mustero…I don’t know, ‘n ka sabe. Kabu tenki compodu si du kre turistas ta passa feria na Fogo.

Falando em ferias, mi ku Maria du sta prapara pa manda nhos five dróma na proximo barco. Tres e pa nhos, dos ê pa nhos gardano pamo ês ano go du sta ba passa 1 de Maio. Es ano ‘n sta bá odja si nta tuma bandera de Sanfilipe pam pode leba Ramiro Mendes…kal Kassav, kal Calcinha Preta…kal Rolling Stones…Mendes Brothers pa ba kantano Talaia Baxo pa du celebra nos tradissaum na Som di Palonkom.

Anyways, ‘n ta ligabu mas tarde pam dabu mas informassuam sobri nos ida na fim de Abril. Gardam kuzas tcheu. ‘N tene gana kumê um bom kaldo de garopa preta, ku mandioka, cu djagassida, lodadu mantega terra, pam kumê teki biko stika, stiky.

Dam tudu guentis mantenha e fras ma na fim de Abril, I’ll be there for sure. Sodadi, sodadi, sodadi!!!

Your cousin,

Fafe Beludo!!!!!