Manduco

Mudjer feia

De rosto nodjado

Ca bu spia-l, nem ca bu da-l costa

Sê odjo é lume de faísca ralampo,

Que ta corta nem faca

E ta arde nem lume.

Se boca é trubada

Que ta rabenta dento bu alma

Moda tambor de maldição,

Tocado pa diabo na pico d’inferno.

Recua mil léguas de sê pensamento,

Desconjura-l pa longe de bo,

Pamode sê ódio é bitcho barexa

E sê-l panhabo bu ta pudrise, seco ruso!

Napoleão Andrade