Manduco

Nha sina ê txorâ m´gatxadu

Lenbra pasadu, gemê maguadu

m´txorâ txêu, mágua fronta´m

Dor na nha petu, dja sofoka´m.

Nha txoru, ê nha konsolu

Nhas lágrimas, rega´m nha petu

Nha dor, nha alegria y prantu

Fazê´m skesê ês sonhu fragelu.

Nha txoru y prantu, bira lokura

Na nha petu, voltâ pás y ternura

Nha mágua modifikâ y torna fria

Nha korason, transbordâ di alegria.

Pasadu, él ê un sipultura

Ê txága, ki kâ ten kura

Pasadu, ê sonhu sen vida

Ê semitériu, ki kâ ten midida.

Pur: R.Kardozu - 1982

Muzikadu y gravadu in 1990

Na Idison “Puema d’un “Submersu””.