Manduco

Nha kumá’ tâ tchuma’m di Nho

Só tê ki m’stâ djuntu ku Djô

Na sê prizensa nu tâ longâ mon

Na sê kosta nu tâ garbatâ tchon.

M’dia na panhâ fijon

Nha kumara kai na tchon

M’da’l mon p’el labantâ

M’kaí Nhônhô fikâ.

Nha kumá’ ficâ fadigadu

Sen sabê kenhê kê pai

Pur isu êl da’m fidjadu

Má nha genti, ê mi kê pai.

Óh ki Nhônhô toma’m benson

M’tâ dal él ku korason

El ê nha fidju, él e nha fidjadu

Má fidju tâ fikâ m’gatxadu.

Ó nha kumadri, ó nha kumadri

M’ten brigonha di nha kumpadri

Mi ê kumpadri de nha kabesa

Mi ê pai di nha fidjadu (ora ésa!).

Pur: Soné-Agustinho

Musikadu y gravadu in 1990

na Idison: Puema d'um "Submersu"