Manduco

Suberba ê boba

Kastigu ê kóba

Si bu ka armusa’l

Bu tem ki djanta’l

Bu f’la ma shema

Bu ka ta bibê

Pamo’ na ka Ema

Bu ka ta po pê.

Bu f’la ma duensa

Bu ka ta panha’l

Pamo influensa

Bu t’el na dida’l.

Suberba ê boba

Ê kabal seladu

Bu papia suberba

Bu fika suberbadu.

Bu bibê shema

Bu perdê kabesa

Bu ba pa ka Ema

Bu fika ku duensa.

Bu f’la pa bu Terra

Bu ka ta voltaba

Bu uni’l kadera

Bu da’l um fakada.

Ma pa bu ba pa trás

Nim na kashon

Djo bira dimás

Bu tornâ inkodjon.

Si tenpu mariabu

Ês ta rapatriabu

Bu ka ta ba nadadu

Má, bu ta ba stragadu.

Bu ta ba lerpadu

Bu ba mora ku argén

Bo ê um suberbadu

Sorti bu ka tem.

Suberba fradu ê boba

Ê tanbé kabal seladu

Bu ka papia suberba

Bu infrâ ê ka verbadu.

Por: R.Kardozu -Fogu - 1982