Manduco

Dja’m cre mostrabu qui m’ta amabu

provabu qui bo e nha existencia

por tudu m’ta adorabu di corason

pa bu cauza inda m’sta ta vive.

Ca bu tchuma’m ingratu, Cabo Verdi

ca bu condena’m pa tudu nhas actus

nem si nha corpu a otu mundu m’dal

nha corason i nha alma e pa bo.

Da’m um tempu pa’m provabu es verdadi

ca bu cansa, abri bus brasus bu spera’m

antis di morre, cu fe m’ta brasabu

pa’m mata dum vez es nhas sodadi.

Da’m tempu pa’m provabu es vaidadi

ca bu cansa,abri bu corason bu spera’m

antis di morre cu fe m’ta ba beijabu

pa cumprimentu des nhas promesas.

Pur.R.Kardozu 2/23/97