Manduco

Jarfogu el é nha ilha

Di rimotu di nha kartilha

M’ta ama'l di korasaun

Na nha alma m’tené razaun.

Ê nha pátria, m’tel na peitu

Pa es m’ka ten otu sujeitu

Sê amor, sê morabi ê nha pleitu

Na kumesu y fin, el ê nha leitu.

Ku Kabu Verdi na nha alma

Jarfogu el ê nha fama

Ku tongon na nha korasaun

Des nomis dja'm ten pashaun.

Pa jarfogu m’ta refuta...

Tongon ê nha eufonia

Pa sês interu m’ stâ ta luta

Sodali dés dja birâ'm nostalgia.

Ês ê di meu, dimeu mi só

Longi dés m’ stâ sentí un nó

Ken ki ten siumi tchora ku dó

Ê dimeu di zero tê ki’m bira pó

Pur: R.Kardozu 11/08/2009