Manduco

 Vivé livre, andâ ameaçado,

Corré acoçado moda macaco

Trabadjâ tê que cai de lado

Cá tem dinhero pâ botá um caco.

Ó que vida livre, na scravatura

Merca é São Tome em supertura

Vive cu sperânça num futuro

Midjor pâ povo é moda sucuro.

Rico e podre tem li assaz

Cu têres que djâ transbordâ cabáz

Pobre coitado tê sê alma é pâ satanáz

Sim regressá, pâ li m’câ tâ bem más.

Rico/suga tem li suma pádja

És tâ vivé pobre tâ trabadjâ

Pobri’l cor tâ virá indigente

Já é dual-cultura pâ indulgente

Na terra que flado Deus andâ cu pé

Tem mizéria e disprézo im ponta-pé

Tem guentes sintado na sês canapé

Quem que tâ trabadjâ tâ vivé de fé.

Sê pa’m ser dotor na capitalismo

Dixa’m ser Labrador na comunismo

Nundi home tâ tratado cu respeto

Mesmo que el câ alguém perfeto.

Por R.Kardozu

1984