Manduco

Estado demokratiko e de direito foi lema uzado pa MPD kanto el aproveita avalanche politiko na Europa de Leste e importa demokrassia pa Cabo Verde. Importassaum ku izenssaum de imposto alfandegario. Antes du importaba demokrassia du devia prepara terreno pa du tinha serteza ma povo staba preparado pa enraizamento de demokrassia.

Demokrassia ka signifika vota o tem eskolhas de partidos politkos. Demokrassia signifika um governo di povo e pa povo. El signifika um governo ki povo ta kontrola se propi distino. Pa um povo kontrola se distino el tem ki sta informado e por ke nao formado, tambe. Na um sistema undi populacao sta pouko edukado democrassia tem poko chansse de triunfa; governo da dixa de ser demokratiko el ta bira demagogiko. El ta passa so ta konfundi kabessa di kada um ku retorika, paleios, komberso fiado, e promessas.

Antes de du importaba demokrassia era pa du preokupaba ku edukassaum de populacao pamodi pior inimigo de demokrassia e ka ditadura. Pior inimigo de demokrassia e ignoranssia. Ignoranssia ke irma de falta de civismo, etica, cidadania, e respeito ao proximo. Ka tem nada nobri o pozitivo na garanti arguem direito di skodje antes garanti-l kondissoins minimas pa el pondera sobre se eskolha. Eskolha sega e futil e contrario a essenssia demokratika.

Otu kuza ki du diskisse de enfatiza e ke demokrassia e um sistema na undi ki balanssa de direitos ku diveres bebe staba ekilibrado. Kanto du prometeba stado de direitos, du bebia promete stado de deveres. Na materias de deveres, nos demokrassia deixa muito a dezejar. John F kennedy, ex presidente di Merca fra '' Ask not what your country can do for you, but what you can do for your country ''. Kuza ki el fra e o seguinte, ka bu pargunta kuze ki bu pais ta faze pa bo, mas sim kuze ki bu ta faze pa bu pais. Kuze ki e bu dever pa bu pais. Suma notissias sta mostrano tudu dia, Kabo Verdeanos ka sta segui ses deveres de respeita direitos demokratikos dos outros; isto, nos du kre direitos, mas du ka sta da outros di ses direitos. Kazos evidents e falta de respeitos pa vida e propriedades dos outros. Violassaum e destrussaum de base ke ta sustenta demokrassia.

Na nha ver, demokrassia e ka um oferta, e um destino. Ora ki du tchiga la, maioria de sidadauns ta kumpri ses deveres kabalmente, e komo konsequenssia, nos direitos ta ser kuaze ke automatikamente garantido. Na prezenti konjuntura, demokrassia na Cabo Verde sta ta ser so exerssissio de direitos de voto.

Promessas povo tevi. Promessas de governa se propi destino. Mas ku nivel de edukassaum e tipo de komportamento ke povo sta mostra, es dimokrassia ka sta passa di um utopia. Konssiente ke demokrassia ka ta enraiza sem primero du garanti edukassaun, formassaum, e informassaum de sidadauns, 'nta konsidera ke importassaum de demokrassia pa Cabo Verde staba kondenado a lebano pa krizis sossiais ke du sta odja oji, desdi de se concepssaum. Por isso nta konsidera ke kel grandi partido pregano um grandi partida.