Manduco

Ilha do Fogo: Cultura, Gentes e Vivencias

ULTIMAS Post New Entry

« Back to ULTIMAS « Older Entry | Newer Entry »

CAMINHO DE ESCOLA

Posted by NAPOLEAO on February 17, 2010 at 9:48 AM

Parabéns pa tudo meninos de quel tempo

Que cu pedra-conta na saco libro

Anda dezenas de quilómetros

Pa tem segundo grau

//

Cu sol quente moda lume,

Ta badja na odjo de menino cu fome

Na caminho longe, cu dor de brasa,

Na sola pé de criança descalço

M-odja sê sorriso

Na cada passo quel tra de tchon

//

Seja abençoado tambarina e barneda

Djunto cu simbrom, frera e azedinha

Que na bera strada e caminho

Stende ses fruto pa meninos de scola

//

Hoje cu carro e computador

Cu lanche na scola e dinhero na bolço

Coração de pais bira mas triste

Traçado pa destino de gangs de rua

//

Inda m-tem fé

M’es geração ta muda

Sociedade ta bira mas seguro

E nha terra ta nina-m

Na baloiço se morabeza

 

Napoleão Andrade

Categories: Napoleao Andrade, Poemas

Post a Comment

Oops

  • Oops, you forgot something.
Already a member? Sign In

2 Comments

Reply TAMBARINADURO
08:00 PM on February 17, 2010
Ora ki vida e sacrificada pessoas ta ser mas reselienti, mas inssistenti e mas ganhador. Mininos di kel bes, e tudu homis de hoji....lutador....sonhador...e edificador...Liders de cabo Verde de hoje, na ses maioria, anda lonji pa ba skola...E poko ki ka kome simbrm, figo, barnada, azedina, tambarina...e e poko ki ambrodjo ka firi na sola pe...Este poema constitui uma boa dedicatoria aos ex-crianças e uma mensagem de esperança para os jovens de hoje. Bravo!!!!!!!!!!!!
Reply paulo pina
06:02 PM on February 17, 2010
bunito...!!!
um bez mininus ta fazeba ses brinkedu :karru lata.piom,strela,ta sartaba empurum,ta fazeba bola meia,ta brinkaba polisia ladron,ta brinkaba ku papa-lama y es era mas saudavel fisica,mental e socialmenti...mininu ta prendeba pmd el tem ki kriaba...ta disenvolveba habilidades pmd el ta uza mom y kabesa...ta baba skola ku fomi ,ta andaba kaminhu lonji y ka so mae ku pai ki ta daba kriasam...hoji Tv ,computador ta dixas ku menti praguisozu e sem tempo pa konvive y sabe kuze ke amizadi...
tb un tem fe ma sociedade ta repera kes valores li y ki du ta kombate thugs...
PARABENS !!!