Manduco

Si du faze analiz di situssaum historika, sussial, ikunomika, i pulitika di Cabo Verde, du ta tchiga konkluzao ki Praia e Mindelo ta ser sempre kel dos ilhas ke governo ta da primassia. Ora, estando governo na Praia, investimentos e kapitalizacao ta ser na Praia, ku um forti kontestassaum di Mindelo. Es governo de ZMN, tene komprimisso ku Santiago, ilha ki el ta atcha ma maresse se atenssaum. Resto ki fika, el ta satisfaze Mindelo, pel kalaz boka. Ao lado di Mindelo tem kes otus ilha ki el kre kalanta, pel korrez kapa na parede. Fogo, Nunka ka ta tem primassia, el ta fika sempre, na rabu.

Djarfogo foi sempre kel ilha ke produzi grandes homis i grandis mudjes pa Cabo Verde. Na tudu nivel du ta da kontribuissaum fundamental: na economica, na comercio, na educassaum, na politica, na industria, na arte...du sta sempri prizenti...enterradu te piscoz; nos e kel makina ki ta po Cabo Verde ta movimenta, tanto na Cabo Verde como na diaspora. Na emigrassaum, Estados Unidos, na undi 'nta vive, força Foguense e dominate sem margem pa duvida. Na Cabo Verde, nomeadamente Praia, Força Foguense e fulkral pa funcionamento di kel ilha. Tudu Cabo Verdeano ta reconhece kapacidade de guentis de Fogo pa triunfa na negocio e vida em geral.

Se arguem di Fogo e dotado de tanta kapassidade de prissipita progresso, e inkonssibivel ki nos ilha ka sta progridi. E inkonssibilivel ki um raça ki ta konssigui produzi riqueza ku sucessu na tudu mundu, ka ta konsigui produzil na se propi terra ki el ta ama. Razaun ki Fogo sta frakassa e pamo governus conssikutivus sta dixal semprei pa tras. Nos di Fogo du ka sta meste pa governo danu pexi tudu dia...du sta meste pel danu bara piska...pa du pega nos propi pexi...

Governo ki tem odju aberto debia spia pa kel ilha ki tem povu mas industrial di tudu Cabo Verde - Fogo - pel cria kondissaum di dizenvolvimento. Si tiver kondissoins, Fogo ta dizenvolveba di noti pa dia. Cidade de Sao Filipe e prova de nos kapassidade de dizenvolvimento. Dizenvolvimento de Fogo ta dizenkadiaba um dizenvolvimento nassional. Kumo dja du sabe ma por kauza di politika nenhum governu ka sta bem danu atenssaum, du debia iziji autonomia. Um autonomia economika ki ta permitino giri nos ilha e po nos distino na nos mom, naum na mom di arguem ki ta pensa ma du ka maresse midjo. ZMN e um autentico aborto pa Fogo. El sta afecta kel grande partido que, infelizmente, el sta dirigi. Se MPD ka staba ta ser dirigido pa kel oto aborto, el tinha muita chance.

Thomas Jefferson fra ma ora ki um povo sta sofre...i ora ki el ka sta pode sofre mas...e se dever e direito de remove kauza de se sofrimento...Dja tchiga ora pa du dissidi.

tambarina doce di Djarfogo, ma azedo pa ZMN