Manduco

Na imensidão da poesia

M’sonha nascé

Um Cabo Verde

Verde, puro e virgem

Suma storia ta contâ.

Na profundeza infinita

De nha sperança

M’guardâ sagrado

Um desejo cego de odjâ

Cabo Verde suma sê nome.

Um Cabo Verde, verde

Cu sê nuvém branco inconstante

Cu sê Ceu azul violeta

Tâ refleti num mar esverdeado scuro

Um Cabo Verde rico de milheiral

Cu tudo raça de animal.

Um Cabo Verde, verde

Cu povo ta surri sem rugas

Um Cabo Verde livre

Sem policia e sem prisão

Sem miséria e sofrimento

Sem preguiça e tormento.

Ma,pa tudo isso é preciso:

Povo tomá consciência

Nhor Deus usa bitola

Verde bira verde, verde.

Má pa tudo isso e preciso:

Trubada ribonbá na Céu

Ralampo, tchuba, tcheia corré

Povo grita de alegria.

E pâ Cabo Verde bira verde

Nha sonho tornâ realidade

E preciso que verde câ morré

Verde desmarutchâ e florescê

Na coracão de tudo Crioulo.

Bocarrom bomba

Seca desaparcé

Inxada desfarrujâ

Desispero finda.

Pur: R. Kardozu - Agosto - 1974