Manduco

PORTISTA

By Dr. Azágua

Konxê símbulu di Dragãu

Bu ta konxê ké kanpiãu!

Nos é di Nórti

Pur isu nos é fórti

Ganha-nu é só ku sórti

Y si kalhar nen na mórti!

Nu ta nada na mar Atlântiku

Nu ta bibê na riu Minhu

Txon di pexi y vinhu

Terra di treinador Mourinho!

Nos pé é duru

Nos kabésa é maduru

Nu sabe badja tê kuduru

Nen sê na sukuru!

Nu ka é Lisbuéta

Nu ka é puéta

Y nen pruféta;

Nos é Portista

Gentis artista

Ki da povu liberdadi

Identidadi

Y flisidadi.

Pinto da Costa

Ka ta ba na frósta…

Náu! Náu!

É ka ómi máu!

É ómi pupular ki konxe tudu genti

Ki nu krê pa Prizidenti

Pamó é ómi intilijenti.

Nu ka é sima nhos Benfika

Ki sta na bika

Ki ta pista dinhêru

Pa tudu stranjêru.

Nhos tuma nota…

Nhos é armadu en janota

Nhos sta tudu kebradu

Nhos kóta sta tudu atrazadu;

Nhos sta armadu en burgês

Má nhos ka ten fregês!

Kanpiãu dEuropa

É pa nos ki ten tropa!

Títulu di UEFA

É ka nhos taréfa…

Ranking na FIFA

Só si nhos panha-l na rifa!

Déco ta leba-nhos séku

Nen si serka-l nun béku

Baía na se baliza é sima piskador…

É ka ten áza má é buador.

Nu ta konta ku Costinha y Maniche

Tudu dos é un kuzinha fíxi…

Nu ka ten nada kontra Spórti

Ki ka sta ku sórti

Tími di verdi y branku

Ki dixa César Prates na banku.

Má nhos Benfikista

Nhos é só sakrista…

Pa nhos ganha-nu

Só na mil anu.

Tó ki nhos kontra ku nos

Nu ta mostra nhos ken ké nos!