Manduco

Ilha do Fogo: Cultura, Gentes e Vivencias

ULTIMAS Post New Entry

« Back to ULTIMAS « Older Entry | Newer Entry »

N?S DIFERENSA...

Posted by Remoaldo Cardoso on May 3, 2010 at 11:03 PM

bu vida y di mê ten diferênsa

na filozufia kumó na krênsa

N ta akreditâ na induljênsia

na nha fé y na nha vivênsia.

 

mi ku bó, nós ê un animal

má mi ê un animal rasional

bó ê kel otu di nha padjigal

ki tâ pensâ pádja, papiâ banal.

 

Dixa-N konfesá-bu nós diferênsa

mi pâ altura N ten pasênsia

Ê don ki tâ formalizâ aliansa

di ken ki tâ akreditâ na toleransa.

 

Má mi ê aninal di nha kintal

N kâ di bu rubera, nen di bu karisal

bó ê un limária baratu y disleal

bu foi númeru un désdi nha natal.

 

Legrâ-N na kosta, ri-N na prizensa

ê kâ pegadisu, ê kuza ki ben di rása

Má, bu foi infilís ku ês bu eransa

ki senpre abortâ bu lideransa.

 

Pur: R.Kardozu -1996

Categories: Poemas, Remoaldo Cardoso

Post a Comment

Oops!

Oops, you forgot something.

Oops!

The words you entered did not match the given text. Please try again.

Already a member? Sign In

15 Comments

Reply Remoaldo Cardoso
10:10 AM on May 05, 2010 
Por favor senhor Zelito.Skrebe-N nha nome kurreto: Remoaldo.
Reply Dr. Azágua
10:08 PM on May 04, 2010 
Méééééééé!
Bééééééééé!
Brrrrrrrrrrrrrr!
Uf! Uf! Uf! Uf!

Kunpá!...
Á kunpá!!!
Dês bês nho ka ben ku pá...
Nho ben sen pá,
Nho ta bá sen pá!
Uá bá!
Ná? bá!

Nho ben nho atxa-l
Nho ta bá nho ta dixa-l
Es animal rasional
E un distruidor di mei-anbienti
Ku ôdju nosenti
Ku kara kontenti...

Na 47 el kumê-m tudu nha papaêra
El dixa-m sen êra
Sen bêra,
El dixa-m sen manera.

Nha sulusan éra kumê fódja purgêra
Ki kaba ku da-m diarrêa
Pa-n ba kaga-l lâ na rubêra;
Nha sarbasan foi pádri Nogêra
Ki razâ pa mi, dia i nôti, nun sésta-fêra!
Reply Djuze D'erriba
09:50 PM on May 04, 2010 
" mi ku bó, nós ê un animal

má mi ê un animal rasional

bó ê kel otu di nha padjigal

ki tâ pensâ pádja, papiâ banal. "

kkkkkkkkkkk!!!!!!!! interessante,gostei imenso.

By the way, estarei convosco ali no CT na Quinta Feira e no Domingo com os Mendes Brothers.

Ctos
D.D.
Reply Zelito
08:15 PM on May 04, 2010 
Kumentariu di Dr. Azagua sai mas ben fetu ki artigu di Ramoaldo.
Xisa tanbe!
Reply Danillon
07:31 PM on May 04, 2010 
Olhem só o que o Romoaldo despelotou, o comentário do Dr.Azágua é a confirmação do contágio de inspiração.Sou Sportinguista e logo suspeito a não fazer comentário aos versos do Dr.Azágua, que acabo de fazer!
Reply Dr. Azágua
06:47 PM on May 04, 2010 
Ramoaldo grita taun altu
Ki lâ na Prizídiu obi-l advogadu Ubaldu
El txuma-l,
El konvida-l p?el ba tumâ un kaldu
Riba sê saldu...

El fra-l, ka ten prubléma!
Pa-n kabâ ku ês diléma
ku tiátru i sinéma...
Du ba botâ nos xéma!

Má, na úndi du ta bá?
Tudu kábu, ménus ká Káká
ó ká Pápá!

Ntôn du bá Bar Benfika!
Kréd?in Krus! Kréd?in Krus!
Nen ku séti krus!
Nen si tra-m trus!

Benfika...
Dês bês dj?el fika!
Nen na pika
Nen na krika!

Portu manda-l kaza
pamó sê ágia djâ kebrâ aza!
És sta kebradu
Sés kóta sta trazadu!

Es debê dinhêru
pa tudu stranjêru
Dj?es pidi zimóla
tê na Angola!

Ok, antán du bá Bar Dádi...
Ok, xa-m fra-u bardádi...
Lâ na Bar Dádi
du ten idadi
i liberdadi
di stâ na sosiedadi;
sen maldadi
i sen vaidadi
du ta vivê nos mosidadi!

Ditu fêtu!
Kêl ki foi fêtu
djâ stâ fêtu!
Du botâ nos águ tê ôtu dia
Ningen ka bá kadia!

Noti-noti
Na Fonti Bila...
Ku mundjês ta pila
dentu boti...
báxu boti....

Fártu di tantu pila
Ki du subi ártu Bila
Sen dâ kónta
i sen afrónta...

Du ka dixa rástu
Du ka dixa padja pa pástu...
Du dixa sin, amor!

Só amor!
Só sabor!
Só kalor!
Reply Dr. Azágua
05:40 PM on May 04, 2010 
El ta papia taun bon
Ku kêl bokon
Sima kêl môs di Txonbon
t'andâ di nôti sima gongon!

Naun, naun!
Ka bota-m margéta!
Si el ê puéta
Mi tanbê ê pruféta!

Fra-l p'el troka sê manêra
p'el dixa d'asnêra
sinán el ta fika ta txêra
lâ na fundu-l rubêra!



Gostei muito de ler estas quadras, com rimas sentidas e com sentido! Este não são daqueles onde se preocupam com o rima e deixa perder o conteúdo.
Parabens Romualdo Haja mais inspirações!
[/Danillon]
Reply Dr. Azágua
05:30 PM on May 04, 2010 
El spia-m ku kara mau
N fra-l txau...
Dispôs n t'odja-u...
Reply Remoaldo Cardoso
04:56 PM on May 04, 2010 
Afinal e so kanizadi ki sta ta faze-N trosa.E kanizadi ki so erru el ta kurriji, E kanizadi ki sta fora di planeta, undi tudu ten regra. E kanizadi ki ka ta laba kopu pamo kopu ta kebra. E kanizadi ki da da ku pedra el po mon pa tras...E kanizadi kobardu. Quem nao erra, nao vive no planeta terra, onde quase tudo obedece a regras. Ate o erro e quem corrige, meu caro,
Reply Danillon
04:22 PM on May 04, 2010 
Zelito bó ku Romualdo nhós tem ki djobê otu palku pa nhós peleja.Nhós guerra ka tem argunmentu di nós pruposta.Ami nka sta fazê mangassan di ninguém, é só nha opiniaun di forma kim sabê e ntendê.Bu sta lembra di kel difinição de poeta, é um fingidor, finge a dor que deveras sente? Si bem ki poesia poeta e si compreenção é mutu relativo.Dexa rapaz vive di ce manera, manda di bó també, o bu tene medu ma el ta tabel argun lascal ó nqunhal.
Abraçus
Reply Zelito
03:18 PM on May 04, 2010 
Nho ba ta po pedra na paredi sen laska y sen nkunha. Ora ki nho obi vripi riba petu pe nho ta para.
Rapazis sta so na mangasan
Reply Dr. Azágua
12:51 PM on May 04, 2010 
Rabórta na padjigal
Ramoaldo grita-l
p'el parsina
pamó el tenê sina...

El fra-l:
Nos diferénsa
ê lisénsa
di bu krénsa
i di bu senténsa...

El spia-m ku kara mau
N fra-l txau...
Dispôs n t'oda-u...
Reply Danillon
12:25 PM on May 04, 2010 
Romoaldo é tão bom
Kel ta fingi ter um dom
Por issu nta thumal pueta
nta dal valor a sê caneta.

Gostei muito de ler estas quadras, com rimas sentidas e com sentido! Este não são daqueles onde se preocupam com o rima e deixa perder o conteúdo.
Parabens Romualdo Haja mais inspirações!
Reply Kaka
11:45 AM on May 04, 2010 
Mas un na stilo di Ramomencar. Bunitu!
Reply NAPOLEAO
08:21 AM on May 04, 2010 
Inspiracao ta nece dento nos e tudo arguem pode de um ora pa queloto muda e fica ta recebe inspiracao de Deus. Tudo arguem tem na el sprito de poeta e ora q'el desperta-l el ta bem in fonfoneta.
Por isso, pecador ca debe julga pecador, a nao ser Deus. Nho continua nes caminho e Deus ta ilumina nho sentido pa producao de mas trabadjos.
Forca!