Na porta loja  Zézé

M’ kurtí Butedju ku Panê

Tâ djugâ tâ diskutí oril

Djudjú tâ botâ mô’ funíl.

Norato tâ txumá’s di dodu

Nhonhô tâ pensâ di ladu

Pâ trás és tâ djugâ láska

Segu tâ tokâ, kabal tâ kantâ.

Ntonin tâ txumâ Landin

P’el perguntá’l s’el stâ krê

Zézé tâ voltá di ká djonzin

Tâ negâ kuza kel bá fazé.

Ramiru tâ djugâ batota

Fidjin, orbadju ê kâ kontâ

Ku manu na sê diskursu

F’lâ Nené pâ bâ trâ kursu.

Di Lalá, Milí, Chilina

M’ stâ lembrás, bunina

Oji és stâ notus brasus

Sen m’skesés na nha regasu.

Ká Zézé ê di mê, ê di bó

Ê lugar ki nu tem só pâ só

Sin m' skese'l f’la’m pamó

Ê undi ki nu vivê tudu nós dó.

Di kâ Zézé nu ka tâ skesé

Mesmu s'ês f'lâ mâ nu morrê

Ê nostaljia, a nós puberdadi

Di onti â manhã ê nós iternidadi.

Por R. Kardozu ‘ Agostu 11, 2009